QR Tatar jáne bashqurt ulttyq-mádenı ortalyqtary qaýymdastyǵynyń prezıdenti bolyp G. Haırýllın saılandy
2010-2013 jyldar aralyǵyndaǵy ekinshi eseptik kezeń ishinde tyndyrylǵan jumystar jóninde Qaýymdastyqtyń prezıdenti Taýfık Kárimov baıandama jasady.
Keıin T. Kárimov óz áriptesterine ótinishin bildirdi. Onyń bastamasymen 2007 jyly Jarǵyǵa Qaýymdastyqtyń ashyqtyǵy, demokratııanyń, eseptiliktiń jáne saılaýdyń prıntsıpterin ustanatyndyǵy, ornynan aýyspaıtyn basshylardyń bolmaıtyndyǵy jáne Qaýymdastyqtyń prezıdenti 3 jylǵa, biraq eki merzimnen artyq emes kezeńge saılanatyndyǵy engizilip, ol BAQ-ta jarııalandy.
T. Kárimov basqarý merziminiń aıaqtalýyna jáne negizgi jumystaǵy júktemege oraı ózin Qaýymdastyq prezıdenti laýazymynan bosatýdy ótindi. Ol 2007 jyldyń qazanynda jáne 2010 jyldyń maýsymynda ony Qaýymdastyq basshysy retinde saılaý kezinde artylǵan senim úshin rızashylyǵyn bildirdi.
Prezıdıým Búkilálemdik tatarlar kongresiniń múshesi T. Kárimovke atqarǵan jumysy úshin alǵys bildirip, ony Qaýymdastyqtyń qurmetti prezıdenti etip saılady.
Endi jańa úshjyldyq kezeńde Qaýymdastyq Prezıdentiniń mindeti tatarlar áleminde tanymal professor Grıf Haırýllınǵa júkteldi. Onyń orynbasarlary qyzmetin aımaqtyq kóshbasshylar Gabdýlhak Ahýnjanov jáne Ǵalııa Ǵızatýllına atqarady.
Aqsaqaldar keńesin Farýk Bogapov basqarsa, Rınat Abdýlhalıkov atqarýshy komıtetke, Djalıl Ahýnjanov jastar komıtetine bas-kóz bolmaq.
Otyrystyń qorytyndysy boıynsha birlestiktiń jetekshilerine Qazaqstan halqynyń birligin, elimizdegi tatar etnosynyń tatýlyǵyn keleshekte nyǵaıtý boıynsha Úndeý qabyldanyp, Assambleıanyń Keńesine professor G.Haırýlındi usyný sheshildi.