QR taekvondoshylary álem chempıonatynda taǵy 2 medal jeńip aldy
SOFIıA. QazAqparat - Taekvondodan jastar arasynda ótip jatqan álem chempıonatynyń úshinshi kúninde Qazaqstan qorjyny taǵy eki medalmen tolyqty. QazAqparat bul týrady QR taekvondo federatsııasyna silteme jasap habarlaıdy.
Atap aıtqanda, 55 keli salmaqta Javohırhon Islamov jartylaı fınalda súrinip, úzdik úshtiktiń qataryna endi.
59 kg salmaqta Álibek Shaıkenov te qola medalge ıe boldy.
Buǵan deıin jastarymyz eki kúmis pen bir qola medal jeńip alǵanyn jazǵan bolatynbyz.
Álem chempıonaty Bolgarııanyń Sofııa qalasynda ótip jatyr.
Foto:kaztkd.kz
