QR tabıǵı resýrstaryn tıimdi basqarý jáne shıkizat sektorynan túsken tabystardy paıdalaný tujyrymdama jobasynyń 8 basym maqsaty

ASTANA. 17 qyrkúıek. QazAqparat - Búgin Úkimet otyrysynda Qazaqstan Respýblıkasynyń tabıǵı resýrstaryn tıimdi basqarý jáne shıkizat sektorynan túsken tabystardy paıdalaný tujyrymdamasyn tanystyrǵan QR Munaı jáne gaz mınıstri Uzaqbaı Qarabalın atalǵan qujat jobasynyń 8 basym maqsatyn atady.

Mınıstrdiń atap ótýinshe, birinshi maqsat tabıǵı resýrstardy odan ári zertteý, jańa ken oryndaryn izdeý men olardy esepke alý bolsa, ekinshisi joǵary álemdik suranysty memleket múddelerinde paıdalaný úshin tabıǵı resýrstardy óndirýdiń jáne olardy álem naryǵyna shyǵarýdyń qarqynyn arttyrý bolyp sanalady.

«Úshinshisi - ishki naryqty jańa ekonomıkalyq standarttarǵa sáıkes otandyq janar-jaǵarmaı materıaldarymen qamtamasyz etý. Tórtinshisi - sheteldik ınvestıtsııalardy shıikzatty óndirý men qaıta óńdeýdiń zamanaýı tehnologııalaryna qoldaný, sondaı-aq jańa óndiristerdi qurý shartymen ǵana tartý úshin jaǵdaı jasaý», - dedi ol.

U. Qarabalınniń atap ótýinshe, besinshi basym maqsatta balama energııa túrleriniń óndirisin damytý qarastyrylady. Al altynshysynda óndirýshi kásiporyndardyń tek qana ekologııalyq zııany joq óndiristerdi engizýi kózdeledi. Jetinshi maqsatta kómirsýtek shıkizatynyń strategııalyq qoryn qurýǵa basymdyq beriledi. Al sońǵy basym maqsatta shıkizat sektorynan túsken tabystardy ońtaıly basqarý qarastyrylady.