QR tabıǵı monopolııalardy retteý agenttiginiń basshysy azamattardyń elektr energııasy tarıfteriniń kóterilýi boıynsha suraqtaryna jaýap berdi
ASTANA. 30 naýryz. QazAqparat - Búgin QR tabıǵı monopolııalardy retteý boıynsha agenttiginiń tóraǵasy Murat Ospanov vedomstvonyń resmı saıtynda (www.arem.kz) úsh saǵatqa sozylǵan ǵalamtor máslıhatyn ótkizdi.
TMRA-niń baspasóz qyzmetiniń habarlaýynsha, «álemdik tordaǵy» suhbat Memleket basshysy N.Á.Nazarbaevtyń «Áleýmettik-ekonomıkalyq jańǵyrtý - qazaqstan damýynyń basty baǵyty» Qazaqstan halqyna Joldaýyn túsindirý aıasyndaǵy tarıftik saıasatqa arnalǵan edi.
Online máslıhaty barysynda TMRA-niń basshysyna barlyǵy 21 suraq kelip tústi. Áńgimelesý qatysýshylaryn eń aldymen tarıftik qurylýlar, lıtsenzııalardy berý tártibi, elektr energııasy men sýǵa teńdestirilgen tarıfter engizý, jylý energııasyn esepteý quraldaryn ornatý jáne taǵy basqa kóptegen máseleler qyzyqtyrdy.
Máselen, aǵymdaǵy jyldyń 1 sáýirinen bastap elektr energııasy tarıfteriniń ósýi nemen baılanysty jáne bul másele TMRA-men rettele me degen suraqqa Murat Ospanov elektr energııasyn satý baǵasy elektr energııasynyń stansalar shınalarynyń qunyna, elektr energııasynyń aımaqtyq jáne aımaqaralyq deńgeıdegi jeliler boıynsha taratylýyna, sondaı-aq jabdyqtaýǵa ketetin shyǵyndarǵa negizdelip qurylatynyn aıtty.
Óz esebinde Murat Ospanov QR «Elektr energetıkasy týraly» Zańy boıynsha tutynýshy jeke tulǵalar elektr energııasyna tólegen kezde táýlikter aımaqtary nemese tutyný mólsherlerine baılanysty teńdestirilgen tarıfterdi tańdaý quqyǵyna ıe ekenderin atap ótti. Kóp mólsherlemelik esep quralyn ornatý tutynýshynyń elektr energııasyna táýlikter aımaqtar boıynsha teńdestirilgen tarıfter boıynsha tóleý sheshimin qabyldaǵanda ǵana qajet.
TMRA tóraǵasynyń tolyq jaýaptary www.arem.kz saıtynda jarııalanǵan.
