QR Tabıǵı monopolııalardy retteý agenttiginde kadrlyq ózgeris boldy
Amanjol Álıhanuly Alpysbaev 1971 jyly týylǵan, eki joǵary bilimi bar. 2002 jyly «ınjener-tehnolog» mamandyǵy boıynsha Almaty tehnologııalyq ýnıversıtetin, 2004 jyly Qaztutynýdaǵy «ekonomıst» mamandyǵy boıynsha Qaraǵandy ekonomıkalyq ýnıversıtetin bitirgen.
Eńbek jolyn 1993 jyly jabdyqtardy baptaýshy, tazalaý tsehynyń operatory, «Saǵjan» JShS Esil fılıalynyń sheberi bolyp bastady.
Al memlekettik qyzmetti A.Á. Alpysbaev 1999 jyly Qazaqstan Respýblıkasy Memlekettik kiris mınıstrliginiń Alkogol ónimin óndirýdi jáne onyń aınalymyn memlekettik baqylaý jónindegi komıtetiniń Soltústik Qazaqstan basqarmasynyń taldaý jáne monıtorıng bóliminiń bas mamany, baqylaý bóliminiń bastyǵynan bastady.
2002 jyly A.Á. Alpysbaev Qazaqstan Respýblıkasy Memlekettik kiris mınıstrliginiń Alkogol ónimin óndirýdi jáne onyń aınalymyn memlekettik baqylaý jónindegi komıtetiniń Soltústik Qazaqstan basqarmasynyń bastyǵy bolyp taǵaıyndaldy.
2002 jyly qyrkúıek 2005 jylǵy aqpan aralyǵynda Qazaqstan Respýblıkasy Qarjy mınıstrliginiń Qostanaı oblysy boıynsha Salyq komıtetiniń aktsızderdi ákimshilendirý basqarmasynyń bastyǵy bolyp jumys istedi.
Qazaqstan Respýblıkasy Tabıǵı monopolııalardy retteý agenttiginde ol 5 jyldan astam jumys istedi.
2005 jyly TMRA-nyń Qostanaı oblysy boıynsha basqarmasynyń bastyǵy; 2006 jyly TMRA tóraǵasynyń keńesshisi; 2007 jyly mamyrdan bastap Telekommýnıkatsııa jáne aeronavıgatsııa salasyndaǵy retteý jáne baqylaý jónindegi departamenti dırektorynyń orynbasary, 2007 jyly qarashadan bastap Dırektordyń orynbasary, odan keıin Agenttiktiń Strategııalyq josparlaý jáne jıyntyq taldaý departamentiniń dırektory boldy. 2008 jylǵy qarasha 2010 jylǵy maýsym aralyǵynda TMRA-nyń Aqmola oblysy boıynsha departamentiniń dırektory bolyp qyzmet atqardy.
2010 jylǵy maýsym 2012 jylǵy aqpan aralyǵynda Qazaqstan Respýblıkasy Indýstrııa jáne jańa tehnologııalar mınıstrliginiń memlekettik energetıkalyq qadaǵalaý komıteti tóraǵasynyń orynbasary, Basqarma tóraǵasynyń keńesshisi, «Turǵyn úı-kommýnaldyq sharýashylyǵyn jańǵyrtý men damytýdyń qazaqstandyq ortalyǵy» AQ-nyń Kommýnaldyq sharýashylyq departamenti dırektory - basqarýshy dırektor bolyp jumys istedi.
2012 jyly naýryzdan bastap «Turǵyn úı-kommýnaldyq sharýashylyǵyn jańǵyrtý men damytýdyń qazaqstandyq ortalyǵy» AQ-nyń basqarmasy tóraǵasynyń orynbasary laýazymyn atqardy.