QR Syrtqy ister jáne qorǵanys mınıstrleri UQShU elderi keńesiniń birlesken otyrysyna qatysty
Bul týraly QR SІM baspasóz qyzmeti habarlady.
Talqylaý barysynda UQShU-nyń ótken jylǵy qyzmetiniń qorytyndysy shyǵaryldy, halyqaralyq jáne óńirlik jaǵdaı boıynsha pikir almasty, sondaı-aq Uıymǵa múshe memleketterdiń túıindi baǵyttar boıynsha yntymaqtastyǵynyń keń aýqymdy máseleleri qaraldy.
Otyrysta UQShU Ujymdyq Qaýipsizdik Keńesiniń jahandyq jáne óńirlik qaýipsizdikti nyǵaıtý maqsatynda halyqaralyq ózara is-qımyl men yntymaqtastyqty jetildirý týraly málimdemesiniń jobasy, sondaı-aq Syrtqy ister mınıstrleriniń Taıaý Shyǵys pen Soltústik Afrıkadaǵy jaǵdaıdy turaqtandyrý jónindegi kúsh-jiger jónindegi málimdemesi egjeı-tegjeıli qaralyp, kelisildi. UQShU-nyń 2020 jylǵa arnalǵan birlesken saıası málimdemeleri taqyryptarynyń tizbesin qalyptastyrýǵa erekshe nazar aýdaryldy.
Bishkektegi kezdesýde UQShU-ǵa múshe memleketterdiń temir joldaryn tehnıkalyq búrkemeleýdiń biryńǵaı júıesin qurý jónindegi is-sharalardy oryndaý jónindegi Memleketaralyq jumys tobynyń jumysy jónindegi qujattar, sondaı-aq áskerı yntymaqtastyq salasyndaǵy basqa da qujattar qaraldy. UQShU Ujymdyq qaýipsizdik júıesiniń kúshteri men quraldaryn basqarý organdary men qurylymdaryn birlesip daıarlaýdyń 2020 jylǵa arnalǵan jospary ózektilendirildi.
UQShU formatynda áskerı-ekonomıkalyq yntymaqtastyqty damytý jónindegi is júzindegi qadam áskerı maqsattaǵy ónimderdi ázirleý jónindegi birlesken ǵylymı-zertteý jumystarynyń tártibin reglamentteıtin, sondaı-aq UQShU-ǵa múshe memleketterdiń qorǵanys-ónerkásiptik keshenderi kásiporyndarynyń kooperatsııalyq baılanystaryn damytý jónindegi bazalyq uıymdy qurý týraly qujattar jobalaryn kelisý boldy.
Ujymdyq Qaýipsizdik Keńesiniń qyzmeti, UQShU organdary rásimderiniń erejeleri, sondaı-aq Uıymnyń Bas hatshysyn taǵaıyndaý rásimine baılanysty UQShU quqyqtyq qujattaryna ózgerister engizý týraly máseleler qaraldy.
Birlesken otyrys syndarly túrde jáne dástúrli dostyq atmosferada ótti. Kelisilgen qujattar 28 qarashada Bishkekte ótetin UQShU memleket basshylary qatysatyn Ujymdyq Qaýipsizdik Keńesiniń sessııasyna túpkilikti qaraýǵa jáne bekitýge shyǵarylatyn bolady.
Syrtqy ister mınıstrleri keńesi, Qorǵanys mınıstrleri keńesi, UQShU Qaýipsizdik keńesteri hatshylary komıtetiniń kezekti birlesken otyrysy 2020 jyly Reseı Federatsııasynda ótedi.
UQShU 2002 jyly qurylǵan jáne quramyna Qazaqstan, Armenııa, Belarýs, Qyrǵyzstan, Reseı jáne Tájikstan kiretin halyqaralyq aımaqtyq uıym bolyp tabylady.
