QR Syrtqy ister mınıstrligi Venesýeladaǵy ahýalǵa pikir bildirdi
ASTANA. QazAqparat - QR Syrtqy ister mınıstriniń orynbasary Erjan Ashyqbaev Venesýeladaǵy ahýalǵa baılanysty QR syrtqy saıası vedomstvosynyń ustanymyn aıtty, dep habarlaıdy QazAqparat tilshisi.
«BUU Qaýipsizdik Keńesiniń mátinine qatysty toqtalsaq, Venesýeladaǵy ahýal halyqaralyq qaýipsizdikke zalal keltirmeıdi. Biz bul jaǵdaıdy ulttyq másele dep sanaımyz. Osy oraıda Venesýela tarapyn dıalogqa, ıaǵnı atalǵan eldiń zańnamasy aıasynda máseleniń saıası sheshimin tabýǵa shaqyramyz», - dedi Erjan Ashyqbaev Parlament Májilisinde tilshilerdiń saýalyna jaýap bere otyryp.
Aıta keteıik, Venesýeladaǵy ahýal 23 qańtarda ýshyǵa tústi, ıaǵnı jappaı narazylyqtan keıin parlament spıkeri Hýan Gýaıdo ózin ýaqytsha prezıdent retinde jarııalady. AQSh, EO-nyń birqatar músheleri jáne latynamerıkalyq elder ony zańdy memleket basshysy retinde tanydy.
