QR Syrtqy ister mınıstrligi Taılandtaǵy jaǵdaıdyń ýshyǵýyna baılanysty, Qazaqstan azamattaryn Bankogke barmaýǵa shaqyrady
ASTANA. Sáýirdiń 8-i. QazAqparat /Ernur Aqanbaı/ - Qazaqstan Respýblıkasynyń Syrtqy ister mınıstrligi Taılandtaǵy ahýaldyń nasharlaýyna baılanysty, Qazaqstan azamattaryn ázirge Bankog qalasyna barmaýǵa shaqyrady,
dep habarlaıdy QazAqparat.
«Qazaqstan Respýblıkasynyń Syrtqy ister mınıstrligi Taıland Koroldigindegi ishki saıası jaǵdaıdyń ýshyǵýyna baılanysty, Qazaqstan azamattarynyń atalmysh eldiń Úkimeti tótenshe jaǵdaı jarııalaǵan Bankog qalasyna jáne onyń tóńiregindegi birqatar provıntsııalarǵa barmaýdy ótinedi», dedi búgin Astanada QR Syrtqy ister mınıstriniń resmı ókili Asqar Ábdirahmanov.
Sonymen qatar ol, «QR Syrtqy ister mınıstrligi Taıland Koroldiginiń aýmaǵynda júrgen Qazaqstan azamattaryn aıyryqsha saq bolýǵa jáne qaýipsizdiktiń salmaqty sharalaryn qabyldaýǵa shaqyrady dedi.
