QR Syrtqy ister mınıstrligi shengen vızasyna qatysty túsinik berdi

ASTANA. QazAqparat – QR Syrtqy ister mınıstrliginiń resmı ókili Aıbek Smadııarov shengen vızasyn berý kezinde qosymsha konsýltatsııalar talap etiletin elderdiń tizbesine Qazaqstandy engizý máselesine qatysty pikir bildirdi, dep habarlaıdy QazAqparat tilshisi.

«2020 jyly kúshine engen Qazaqstan men Eýropa odaǵy jáne onyń múshe memleketteri arasyndaǵy Keńeıtilgen áriptestik pen yntymaqtastyq týraly kelisimge sáıkes, taraptar Qazaqstan jáne Eýro odaǵy azamattary úshin vızalyq rejımdi jeńildetý týraly kelisim boıynsha kelissózder júrgizý máselesi boıynsha jan-jaqty dıalog júrgizýge kelisti. Sondaı-aq adamdar arasyndaǵy baılanystarǵa járdemdesý jáne keńeıtý mindettemelerin qabyldady. Bul rette, 2017 jyldan bastap Qazaqstan Eýropa odaǵyndaǵy barlyq elder azamattary úshin elimizge kelý úshin vızasyz rejımdi engizdi. Qazirgi ýaqytta mınıstrlik vızalyq rásimderdi jeńildetý úshin jáne azamattarymyz úshin ózara qolaıly tetikterdi ázirleý maqsatynda Eýropadaǵy áriptesterimizben konsýltatsııalardy jalǵastyryp keledi. Jaqyn arada Eýropa jaǵynan naqty qadamdar kútemiz», - dedi A. Smadııarov.

Osy oraıda ol Qazaqstan men Eýropa odaǵy keń aýqymdy máseleler boıynsha áriptestikti odan ári nyǵaıtýǵa ekpin qoıyp otyrǵanyn aıtty.

«Qazaqstannyń qandaı da bir tizimge engizilgeni týraly máselege keletin bolsaq, biz Eýropa jaǵynan resmı habarlama alǵan joqpyz. Alaıda, jumys tártibinde talqylaý kezinde bizge tıisti málimet kelip tústi, ıaǵnı 1 naýryzdan bastap Qazaqstan Shengen vızasyn berý kezinde budan bylaı azamattarǵa qosymsha konsýltatsııalar talap etiletin elderdiń tizbesinde bolady. Bul turǵyda ádettegi jumys protsesi eskerilgen. Bizdiń oıymyzsha, mundaı qadam Shengen kelisimine múshe bir eldiń suranysy boıynsha iske asyrylyp otyr. Óıtkeni, Eýropa Odaǵynyń erejelerine sáıkes, EO men Shengen aımaǵynyń elderi vıza alýǵa ótinish bergen úshinshi elderdiń azamattaryna qatysty qosymsha konsýltatsııalar bastaýǵa quqyǵy bar», - dedi resmı ókil vedomstvoda ótken aptalyq brıfıngi barysynda.

Onyń aıtýynsha, mundaı konsýltatsııalar jeti kúnge sozylýy múmkin. Bul rette vızalyq saýalnamalardy jalpy qaraýdyń standartty merzimi burynǵydaı qalady –15 kúnge deıin.

«ıAǵnı is júzinde bizdiń azamattarymyz úshin vızalardy qaraý rásiminde qandaı da bir ózgerister bolmaıdy», - dedi A. Smadııarov.