QR Syrtqy ister mınıstrligi muraǵattaǵy qujattardy alǵash ret kópshilik nazaryna usyndy
ASTANA. QazAqparat - Qazaqstannyń BUU-ǵa qosylǵanyna 24 jyl tolýyna oraı Syrtqy ister mınıstrligi muraǵattaǵy qujattardyń kórmesin uıymdastyrdy. Kórmege buryn sońdy jurtshylyq kórmegen birqatar muraǵattyq qujattar qoıylǵan.
"Bul kórme bir aı boıy jumys isteıdi dep oılaımyn. Kóbinese kórmege mınıstrliktiń qyzmetkerleri, "halyqaralyq qatynastar" mamandyǵy boıynsha bilim alyp júrgen stýdentter, tarıhshylar, jalpy Qazaqstannyń syrtqy saıasatyna qyzyǵýshylyq tanytqan adamdar kóp kelýde. Bul qujattardyń túpnusqasy Prezıdenttiń Muraǵatynda saqtalyp tur, taǵy biraz túpnusqa qujattar Ulttyq muraǵat qorynda. Qujattardyń barlyǵy derlik birinshi ret osy jerde halyq nazaryna usynylyp otyr, - deıdi QR Prezıdenti muraǵatynyń dırektory Borıs Japarov.
Kórmege bas-aıaǵy 130 qujat pen sýret qoıylǵan. Qundy qujattar arasynda təýelsizdiktiń bastaýynda jas Qazaqstannyń halyqaralyq saıası qarym-qatynasqa aıaq basqanyn aıqyndaıtyn qujattar bar. Mysaly, Qazaqstan Respýblıkasynyń BUU-ǵa múshe bolǵandyǵy týraly qujat, Nursultan Nazarbaevtyń BUU basshylyǵymen almasqan hattary, BUU bas hatshysynyń Qazaqstanǵa kelgen kezdegi sýretteri qoıylǵan.
