QR Syrtqy ister mınıstri jańa sheteldik elshilerdi qabyldady
NUR-SULTAN. QazAqparat - QR Syrtqy ister mınıstri Beıbit Atamqulov jańa sheteldik elshilerdi qabyldady, dep habarlaıdy QazAqparat mınıstrliktiń baspasóz qyzmetine silteme jasap.
Beıbit Atamqulov Leslı Acha Opoký-Ýare (Gana Respýblıkasy), Karsten Sendergord (Danııa Koroldigi), Maık Sango (Zımbabve Respýblıkasy), Andreı Negýts (Moldova Respýblıkasy), Djon Matstsa (San-Marıno Respýblıkasy), Branko Rakovets (Slovenııa Respýblıkasy), Sımon Marko Mýmvı (Tanzanııa Birikken Respýblıkasy), Manas Takgısakıbaý (Fıdjı Respýblıkasy) Qazaqstanda mindetin qosa atqarýshy sheteldik elshilerdi qabyldady.
«Kezdesý barysynda sheteldik elshiler Qazaqstannyń syrtqy saıasatynyń basymdyqtary jáne Úkimet tarapynan júrgizilip jatqan áleýmettik-ekonomıkalyq reformalar týraly aqparatpen keńinen tanystyryldy.
Taraptar joǵary deńgeıdegi baılanystardy damytýǵa, ekijaqty taýar aınalymynyń ósýine járdemdesýge, ekonomıkalyq ózara is-qımyldyń jańa taýashalaryn tabýǵa, sondaı-aq mádenı jáne qoǵamdyq baılanystardy damytýǵa kelisti», delingen habarlamada.
Óz kezeginde sheteldik dıplomattar Qazaqstannyń táýelsizdik jyldary qol jetkizgen syrtqy saıası jáne ekonomıkalyq jetistikterin joǵary baǵalady.
Eldiń syrtqy saıası vedomstvosynyń basshysy sheteldik elshilerge ekijaqty yntymaqtastyqty nyǵaıtýǵa baǵyttalǵan jemisti qyzmet tiledi.
