QR Syrtqy ister mınıstri Tashkentte birqatar ekijaqty kezdesýler ótkizdi

TAShKENT. QazAqparat - Tashkentte ótip jatqan «Ortalyq jáne Ońtústik Azııa: aımaqtyq ózara baılanys. Syn-qaterler men múmkindikter» atty halyqaralyq konferentsııaǵa qatysý sheńberinde Qazaqstan Respýblıkasy Premer-Mınıstriniń orynbasary – Syrtqy ister mınıstri Muhtar Tileýberdi birqatar kezdesý ótkizdi. Bul týraly QazAqparat SІM silteme jasap habarlaıdy.

Muhtar Tileýberdi Saýd Arabııasy Koroldiginiń Syrtqy ister mınıstri Feısal ben Farhan Al Saýd, Eýropalyq odaqtyń Ortalyq Azııa boıynsha Arnaıy ókili Terı Hakala, QHR Syrtqy ister mınıstri Van I, Úndistan Syrtqy ister mınıstri Sýbramanııan Djaıshankar jáne Túrikmenstan Mınıstrler Kabıneti Tóraǵasynyń orynbasary - Syrtqy ister mınıstri Rashıd Meredovpen ekijaqty bólek kezdesýler ótkizdi.

Kelissózder barysynda taraptar halyqaralyq kún tártibindegi ózekti máselelerdi, ekijaqty yntymaqtastyqtyń perspektıvalary men kópjaqty qurylymdar sheńberindegi ózara is-qımyldy talqylady. COVID-19 indetine qarsy kúreste kúsh-jigerdi biriktirýge jáne Aýǵanstandaǵy jaǵdaıǵa erekshe nazar aýdaryldy.

Sondaı-aq Mınıstr M.Tileýberdi óńirdiń syrtqy saıası vedomstvolary men halyqaralyq uıymdardyń basshylary, ǵylymı jáne sarapshylyq toptardyń ókilderimen birge Ortalyq Azııa Halyqaralyq ınstıtýtynyń resmı ashylý rásimine qatysty. Olıı Majlıs Senatynyń Tóraǵasy Tanzıla Narbaeva is-sharaǵa qatysýshylarǵa Ózbekstan Respýblıkasynyń Prezıdenti Shavkat Mırzıeevtiń joldaýyn oqyp berdi.