QR Syrtqy ister mınıstri Pákistan Elshisin qabyldady

NUR-SULTAN. QazAqparat - Qazaqstan Respýblıkasynyń Syrtqy ister mınıstri Muhtar Tileýberdi Pákistan Islam Respýblıkasynyń Qazaqstandaǵy Elshisi Imtıaz Ahmad Qazıdi qabyldady, dep habarlaıdy QazAqparat QR Syrtqy ister mınıstrliginiń resmı saıtyna silteme jasap.

Elshi Pákistannyń Syrtqy ister mınıstri Shah Mehmed Kýreshıdiń joldaýyn tabystady.

Kezdesý barysynda ekijaqty yntymaqtastyqtyń aǵymdaǵy máseleleri men damý perspektıvalary talqylandy.

Taraptar Saýda-ekonomıkalyq, ǵylymı-tehnıkalyq jáne mádenı yntymaqtastyq jónindegi Qazaqstan-Pákistan Úkimetaralyq komıssııasy 9-shy otyrysynyń qorytyndysy boıynsha qol jetkizilgen ýaǵdalastyqtardyń ýaqtyly iske asyrylýynyń mańyzdylyǵyn atap ótti (2020 jylǵy 27-28 aqpan, Islamabad).

Sondaı-aq, halyqaralyq alańdarda, sonyń ishinde AÓSShK, IYU jáne t.b. aıasyndaǵy ózara yqpaldastyq máseleleri jóninde pikir almasyldy.