QR Syrtqy ister mınıstri men AQSh Energetıka mınıstri yntymaqtastyq máseleleriniń keń aýqymyn talqylady
Kezdesý barysynda taraptar energetıka salasyndaǵy ekijaqty jáne kópjaqty yntymaqtastyq máseleleriniń keń aýqymyn talqylady, dep habarlaıdy QR SІM baspasóz qyzmeti. Erekshe nazar jaqynda Vashıngton qalasynda QR Prezıdenti Nursultan Nazarbaevtyń qatysýymen ótken ıAdrolyq qaýipsizdik Sammıtinde qol jetkizilgen ýaǵdalastyqtardy iske asyrý máselelerine aýdaryldy.
Syrtqy saıası vedomstvosynyń basshysy AQSh Energetıka mınıstrin Iran ıadrolyq baǵdarlamasy sheńberindegi kelissózder úderisiniń sátti aıaqtalýymen quttyqtaı otyryp, Qazaqstan osy máselege erekshe nazar aýdaratyndyǵyn jáne onyń óńirdegi saýda-ekonomıkalyq ahýaldy jaqsartý kózqarasynan mańyzy zor bolyp tabylatynyn atap ótti.
Taraptar Qazaqstan Respýblıkasy men Amerıka Qurama Shtattary arasyndaǵy energetıkalyq áriptestik jónindegi arnaıy komıssııanyń (EÁAK) jumysyna joǵary baǵa berip, onyń odan ári damýyna senimderin bildirdi. Suhbattastardyń pikirinshe EÁAK ıadrolyq qaýipsizdik, atom energetıkasy, kómirsýtek resýrstary, jańartylǵan energetıka jáne energotıimdilik, sondaı-aq elektroenergetıka sııaqty basym baǵyttaǵy ekijaqty qatynastardy nyǵaıtýǵa baǵyttalǵan mańyzdy jáne sátti tetik bolyp sanalady.
Jahandyq ıadrolyq qaýipsizdik rejımi men taratpaý máseleleri jiti talqylandy. Amerıkalyq tarap AEHA-nyń Tómen baıytylǵan ýran bankiniń qurylýy, sondaı-aq Iran ıadrolyq baǵdarlamasy boıynsha eki raýnd kelissózderdi ótkizý úshin alańdy tabystaǵany úshin Qazaqstannyń rólin joǵary baǵalady. Sonymen birge, taraptar atom, munaı-gaz jáne hımııalyq ónerkásip salasyndaǵy ózara tıimdi yntymaqtastyqty odan ári damytý, QR-dyń Dúnıejúzilik saýda uıymyna kirýi turǵysynan saýda-ekonomıkalyq jáne ınvestıtsııalyq yntymaqtastyqty keńeıtý, amerıkalyq taraptyń «100 naqty qadam» Ult josparyn júzege asyrýǵa qolǵabys kórsetýi, sondaı-aq dástúrli jáne balamaly energetıka salalaryndaǵy máseleler boıynsha pikir almasty. Taraptar Halyqaralyq ǵylymı-tehnıkalyq ortalyqtyń birlesken jobalaryn iske asyrýdaǵy bolashaq rólin erekshe senimmen atap ótti.
AQSh energetıka vedomstvosynyń basshysy klımattyń jahandyq ózgerýine qatysty óziniń alańdaýshylyǵy men bolashaq urpaq úshin taza ekologııany saqtaýdaǵy beıildiligin basa aıtyp, Qazaqstannyń aldaǵy «EKSPO-2017» halyqaralyq mamandandyrylǵan kórmesine AQSh-ty qatysýǵa shaqyrǵanyn qýattady, sondaı-aq QR Prezıdentiniń EKSPO-sıtı ınfraqurylymynyń negizinde BUU janyndaǵy Jasyl tehnologııalardy damytý ortalyǵyn qurý jónindegi bastamasyn jáne bolashaqta «Astana» Halyqaralyq qarjy ortalyǵynyń alańyn paıdalanýǵa amerıkalyq kompanııalar men ınvestıtsııalyq qorlaryna múmkindik beriletini jaıly oń pikir bildirdi.
