QR Syrtqy ister mınıstri Eýropaǵa saparmen barady
NUR-SULTAN. QazAqparat - QR Syrtqy ister mınıstri Muhtar Tileýberdi Eýropaǵa saparlaıdy. Bul týraly búgin QR Syrtqy ister mınıstrliginiń resmı ókili Aıbek Smadııarov aıtty, dep habarlaıdy QazAqparat tilshisi.
«20-21 qańtarda QR Syrtqy ister mınıstri Muhtar Tileýberdi bastaǵan qazaqstandyq delegatsııa QR-Eýropalyq odaq yntymaqtastyq keńesiniń 17-otyrysyna qatysady. Іs-shara barysynda Qazaqstan men Eýropalyq odaq arasyndaǵy yntymaqtastyqtyń aǵymdaǵy máselelerin talqylaý, sondaı-aq halyqaralyq kún tártibindegi ózekti máseleler boıynsha pikir almasý josparlanýda», - dedi ol.
Resmı ókildiń dereginshe, sapar aıasynda mınıstrdiń Eýropalyq komıssııanyń, Eýropalyq Parlamenttiń jáne Belgııa Koroldiginiń Syrtqy ister mınıstrliginiń resmı tulǵalarymen kezdesýleri josparlanǵan.
