09:21, 02 Shilde 2021 | GMT +6
QR Syrtqy ister mınıstri dıplomatııa qyzmetkerlerin kásibı merekemen quttyqtady
NUR-SULTAN. QazAqparat – QR Syrtqy ister mınıstri Muhtar Tileýberdi dıplomatııalyq qyzmet mamandaryn búgingi merekemen quttyqtady, dep habarlaıdy QazAqparat.
«Kásibı merekemiz – Qazaqstan Respýblıkasynyń Dıplomatııalyq qyzmet kúnimen shyn júrekten quttyqtaımyn!
Bıyl biz Táýelsizdigimizdiń 30 jyldyǵyn atap ótýdemiz. Kóptegen ózge salalardyń mamandarymen qatar otandyq dıplomattar da egemendi memleketimizdiń qalyptasýy men damýyna ózderiniń laıyqty úlesterin qosyp keledi.
Qazaqstan búginde halyqaralyq qoǵamdastyqtyń bedeldi ári teń quqyqty múshesi, ıadrolyq qarýsyzdaný men taratpaý salasynyń kóshbasshysy, ekonomıkalyq ıntegratsııa protsesteriniń jaýapty qatysýshysy, dinaralyq jáne mádenıetaralyq dıalogtyń belsendi jaqtaýshysy», - delingen mınıstrdiń quttyqtaýynda.
