QR Sýdıalarynyń VІ sezi: Qazaqstanda elektrondy sot isin júrgizý jáne ony odan ári damytý josparlanýda
Bul týraly búgin QR Sýdıalarynyń VІ sezinde Joǵarǵy sot tóraǵasy Qaırat Mámı aıtty.
«Sot tóreligin júzege asyrý protsesine aqparattandyrýdy keńinen engizý - ýaqyt talaby. Qazaqstan sottarynda sot tóreligin iske asyrý protsesin anaǵurlym jetildirýge, sot qyzmetine qol jetkizýge jáne anyqtyǵyn qamtamasyz etýge yqpal etetin jańa aqparattyq tehnologııalar keńinen qoldanylýda», - dedi ol.
Q.Mámıdiń atap ótýinshe, búgingi tańda talap-aryzdardy ınternet resýrstardy paıdalaý arqyly júzege asyratyn elder kóp emes. Al Qazaqstanda otyrystar men sot aktileriniń dybys jáne beıne hattamalarymen tanysýǵa múmkindik berilgen. Buǵan qosa, barlyq sottardyń veb-saıttaryndaǵy biryńǵaı derekter bazasynan tıisti aqparat alýǵa da múmkindik bar.
«Elektrondy sot isin júrgizý jáne ony odan ári damytýdy josparlap otyrmyz. Bul sot júktemesin birshama jeńildetýge múmkindik beredi. Elektrondy rásimder men qyzmetterdi qamtyp, aýqymyn keńeıtý, olardy muraǵattarmen qamtamasyz etý jáne elektrondy baılanystardy retke keltirý de kezekte tur», - dedi Joǵarǵy sot tóraǵasy.
