QR Sýdıalar odaǵynyń Áskerı sottary fılıalynyń tóraǵasy bolyp E.Ahmetjanov saılandy
ASTANA. QazAqparat - Qazaqstan Respýblıkasy Sýdıalar odaǵynyń áskerı sottary fılıalynyń konferentsııasynda fılıal Keńesiniń jańa músheleri men fılıal tóraǵasy saılandy, dep habarlanǵan QR Áskerı sotynyń saıtynda.
Jabyq saılaý ótkizý natıjesinde kópshilik daýysymen QR Sýdıalar odaǵynyń áskerı sottary fılıalynyń tóraǵasy bolyp Erbol Ulataıuly Ahmetjanov saılandy. E. Ahmetjanov sýdıalyq qyzmetin 2005 jyly Almaty garnızony áskerı sotynda bastap, 2009-2014 jyldar aralyǵynda Almaty qalasyndaǵy qylmystyq ister jónindegi mamandandyrylǵan aýdanaralyq áskerı sotynyń sýdıasy bolyp qyzmet etti. Qazirgi tańda qylmystyq ister jónindegi mamandandyrylǵan aýdanaralyq áskerı sot tóraǵasy laýazymyn atqarýda.
