QR Sý sporty túrleri federatsııasynyń bas hatshysy álemdik sý polosynyń basshysy bolyp saılandy
ASTANA. QazAqparat - Sý sporty túrleri federatsııasynyń bas hatshysy Andreı Krıýkov álemdik sý polosynyń basshysy bolyp taǵaıyndaldy.
Bul jaıly QR Sý sporty túrleri federatsııasy málim etti.
Býdapeshte sý sporty túrleri boıynsha 17-inshi álem chempıonaty aıaqtaldy. 17 kún boıy Vengrııa astanasynda ótken jarysqa álemniń 180 elinen kelgen 2500 atlet qatysty.
Býdapeshtegi álem birinshiliginiń basty oqıǵasy sanalǵan FINA-nyń bas kongresinde halyqaralyq júzý federatsııasyna múshe-elder 2017-2021 jyldary ótetin kelesi olımpıada kezeńi qarsańynda sý sporty túrleriniń damý máselelerin anyqtady.
Ulttyq federatsııasynyń bas hatshysy Andreı Krıýkov basqarmanyń joǵarǵy organy - bıýroǵa qaıta saılandy.
