QR Statıstıka agenttiginiń burynǵy basshysy A.Meshimbaevaǵa qatysty qylmystyq is aıaqtalýǵa jaqyndady
ASTANA. 2 qazan. QazAqparat - 10 qazanǵa deıin QR Statıstıka agenttiginiń burynǵy basshysy Anar Meshimbaevaǵa qatysty qylmystyq is prokýratýra organdaryna tapsyrylady. Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi baspasóz máslıhatynan keıin QR Ekonomıkalyq qylmysqa jáne sybaılas jemqorlyqqa qarsy kúres agenttiginiń resmı ókili Murat Jumanbaı málim etti.
Onyń sózine qaraǵanda, A.Meshimbaevaǵa qatysty qylmystyq is aıaqtalýǵa jaqyndady. Osydan keıin qylmystyq is sotqa tapsyrý úshin prokýratýra organdaryna zertteýge jiberiledi.
«Meniń oıymsha, 10 qazanǵa deıin biz prokýratýra organdaryna tapsyramyz», - dep túıdi resmı ókil.
Eske sala keteıik, bıylǵy jyldyń 7 qyrkúıeginde Anar Meshimbaeva senip tapsyrylǵan bóten múlikti ysyrap etkeni (QR QK 176-babynyń 3-bóliginiń «b», «g» tarmaqtary), sondaı-aq qyzmettik ókilettigin teris paıdalanǵany úshin qylmystyq jaýapkershilikke tartý maqsatynda Qazaqstan Respýblıkasy Bas prokýratýrasynyń suratýy boıynsha Reseı Federatsııasynan ekstradıtsııalandy.
Prokýratýra aqparatyna sáıkes, sodan keıin A.Meshimbaeva Astana qalasy ІІD ýaqytsha ustaý abaqtysyna jabyldy.
