QR Statıstıka agenttigi tutynýshylardyń belsendiligin baǵalady
ASTANA. 9 qazan. QazAqparat - «Tutynýshylardyń seziný ındeksi» 2012 jylǵy qyrkúıekte ótken aımen salystyrǵanda 4 paıyzdyq tarmaqqa kemidi jáne (+17)% qurady.
QR Statıstıka agenttiginiń málimetinshe, 2012 jylǵy qyrkúıekte respondentterdiń 31 paıyzy sońǵy 12 aı ishinde elimizdegi ekonomıkalyq jaǵdaıdyń jaqsarǵanyn atap ótti, al respondentterdiń 13 paıyzy osy kezeńde jaǵdaıdyń nasharlaǵanyn habarlady.
«Ekonomıkalyq ahýal ındeksi» ótken aımen salystyrǵanda 3 paıyzdyq tarmaqqa kemidi jáne (+18)% qurady. Respondentterdiń úshten birinen azy - 30 paıyzy aldaǵy 12 aıda eldegi jalpy ekonomıkalyq jaǵdaıdyń odan ári jaqsaratynyn kútedi, al 12 paıyzy jaǵdaı nasharlaýy múmkin dep esepteıdi.
«Satyp alý tileginiń ındeksi» ótken aımen salystyrǵanda 4 paıyzdyq tarmaqqa kemidi jáne (+17)% qurady. Respondentterdiń úshten birinen azy - 31 paıyzy 2012 jylǵy qyrkúıekte jeke úı sharýashylyǵyndaǵy qarjy jaǵdaıynyń jaqsarǵanyn, sonymen birge, respondentterdiń 14 paıyzy óz úı sharýashylyǵyndaǵy qarjy-ekonomıkalyq jaǵdaıdyń nasharlaǵanyn atap ótti.
Respondentterdiń 9 paıyzynyń pikiri boıynsha elimizdegi jumyssyzdyq deńgeıine qatysty ahýal aldymyzdaǵy 12 aıdyń ishinde jaqsarady dese, sol kezdegi suralǵandardyń 8 paıyzy oǵan qarama-qarsy pikirdi ustanady. Aldymyzdaǵy 12 aıdyń ishinde úı sharýashylyǵyndaǵy aqshalaı jınaq somasynyń ósý múmkindigin suralǵan tutynýshylardyń 17 paıyzy atap ótse, al 18 paıyzy onyń kemıtinin aıtty.
