QR Statıstıka agenttigi tutynýshylar belsendiligin baǵalady
ASTANA. 13 qyrkúıek. QazAqparat - «Tutynýshylardyń seziný ındeksi» 2012 jylǵy tamyzda ótken aımen salystyrǵanda 2 paıyzdyq tarmaqqa ósti jáne (+21) % qurady.
QR Statıstıka agenttiginiń málimetinshe, 2012 jylǵy tamyzda respondentterdiń 33 paıyzy sońǵy 12 aı ishinde elimizdegi ekonomıkalyq jaǵdaıdyń jaqsarǵanyn atap ótti, sondaı-aq sáıkes merzimde respondentterdiń 12 paıyzy jaǵdaıdyń nasharlaǵanyn habarlady.
«Ekonomıkalyq ahýal ındeksi» ótken aımen salystyrǵanda 4 paıyzdyq tarmaqqa ósti jáne (+21)% qurady. Respondentterdiń úshten birinen azy - 31 paıyzy aldaǵy 12 aıda eldegi jalpy ekonomıkalyq jaǵdaıdyń odan ári jaqsaratynyn kútedi, al 11paıyzy jaǵdaıdyń nasharlaýy múmkin dep esepteıdi.
«Satyp alý tileginiń ındeksi» ótken aımen salystyrǵanda 2 paıyzdyq tarmaqqa ósti jáne (+21)% qurady. Respondentterdiń úshten birinen kóbi - 34 paıyzy 2012 jylǵy tamyzda jeke úı sharýashylyǵyndaǵy qarjy jaǵdaıynyń jaqsarǵanyn, sonymen birge, respondentterdiń 12 paıyzy óz úı sharýashylyǵyndaǵy qarjy-ekonomıkalyq jaǵdaıdyń nasharlaǵanyn atap ótti.
Respondentterdiń 9 paıyzynyń pikiri boıynsha elimizdegi jumyssyzdyq deńgeıine qatysty ahýal aldymyzdaǵy 12 aıdyń ishinde jaqsarady dese, sol kezdegi suralǵandardyń 8 paıyzy oǵan qarama-qarsy pikirdi ustanady. Aldymyzdaǵy 12 aıdyń ishinde úı sharýashylyǵyndaǵy aqshalaı jınaq somasynyń ósý múmkindigin suralǵan tutynýshylardyń 19 paıyzy atap ótse, al 18 paıyzy onyń kemıtinin jetkizidi.
