QR Statıstıka agenttigi aǵymdaǵy jyly zańdy tulǵalarǵa elektrondyq formatta esep berýdi ilki rejimde júzege asyrmaq
ASTANA. Sáýirdiń 5-i. QazAqparat. /Marlan Jıembaı/ - QR Statıstıka agenttigi aǵymdaǵy jyly zańdy tulǵalarǵa elektrondyq formatta esep berýdi ilki rejimde júzege asyrady. Bul týraly búgin elordada ótken baspasóz máslıhaty barysynda atalǵan agenttiktiń basshysy Álıhan Smaıylov málim etti.
Onyń aıtýynsha, qazirgi ýaqytta agenttik elektrondyq formatta esep berý boıynsha jumystardy bastap ta ketken.
«Bizdiń negizgi maqsatymyz biryńǵaı ıntegratsııalanǵan aqparattyq E-statıstıka degen júıeni ornyqtyrý», dep atap ótken onyń sózine qaraǵanda, kelesi jyly respýblıkada E-Úkimet tuǵyrnamasyna beıimdelgen E-statıstıka biryńǵaı ıntegratsııalanǵan aqparattyq júıesin qurý josparlanyp otyr.
«Aǵymdaǵy jyly biz biryńǵaı ıntegratsııalanǵan aqparattyq júıeniń tehnıkalyq-ekonomıkalyq negizdemesin jasaý úshin 15 mıllıon teńge surap otyrmyz. Bul jumys aıasyndaǵy naqty sandar kelesi jyly aıqyn bolady», dep atap ótti ol.
A.Smaıylovtyń aıtýynsha, aǵymdaǵy jyly qolda bar bıýdjettik múmkindikter eskerile otyryp, ilki rejimde bul tehnologııa bir-eki statıstıkalyq esep boıynsha maquldanbaq.
