QR Sport jáne dene shynyqtyrý isteri jónindegi agenttik tóraǵasynyń orynbasarlary taǵaıyndaldy
Bul týraly agenttiktiń baspasóz qyzmetinen habarlandy.
Esentaev Tastanbek Kutjanuly - Sport jáne dene shynyqtyrý isteri jónindegi agenttik tóraǵasynyń orynbasary. 1985 jyly Qaraǵandy pedagogıkalyq ınstıtýtyn, 2007 jyly Qazaq-Reseı ýnıversıtetin támamdady.
Eńbek jolyn 1977 jyly bastady. 1985-1995 jyldar aralyǵynda orys tili men orys ádebıetin tereń meńgerý jáne áskerı-dene shynyqtyrý daıyndyǵy oblystyq mamandandyrylǵan mektep-ınternatynda tárbıeleýshi-komandır jáne oqytýshy bolyp qyzmet etti.
2009-2012 jyldar aralyǵynda «Qaraǵandy oblysy týrızm, dene shynyqtyrý jáne sport basqarmasy» MM-niń bastyǵy, basshynyń orynbasary boldy.
2012 jyly qańtar aıynan bastap sáýirge deıin QR týrızm jáne sport mınıstrligi sport jónindegi komıtetiniń tóraǵasy bolyp jumys jasady.
2012 jyldyń sáýir aıynan bastap QR Sport jáne dene shynyqtyrý isteri jónindegi agenttigi Joǵary jetistikter jáne sport rezervi departamentiniń dırektory boldy.
Shaıjúnisov Allen Serjanuly - QR Sport jáne dene shynyqtyrý isteri jónindegi agenttik tóraǵasynyń orynbasary. RF syrtqy ister mınıstrligi halyqaralyq qatynastar Máskeý memlekettik ınstıtýtyn, Qazaq qarjy-ekonomıkalyq akademııasyn bitirdi.
Eńbek jolyn 1998 jyly RF-da «Qazaq kabel kompanııasy» JShS-niń menedjeri qyzmetinen bastady.
2003-2006 jyldar aralyǵynda dıplomatııalyq qyzmette boldy.
2006-2008 jyldar - Mańǵystaý oblysy ákimi apparaty basshysynyń orynbasary.
2008-2009 jyldary - «Nur Otan» HDP Ortalyq apparaty hatshylyǵynyń meńgerýshisi.
2010-2012 jyldar aralyǵynda «Samuryq-Qazyna» JShS-niń basqarýshy dırektory, «BRK-Lızıng» AQ dırektorlar keńesiniń múshesi.
2010 jyldan bastap QR velosıped sporty federatsııasynyń vıtse-prezıdenti, atqarýshy dırektory.