QR sport sheberleri men halyqaralyq ǵylymı jarystardyń jeńimpazdaryn armııaǵa daıyndaıdy

ASTANA. QazAqparat - Qazaqstan Respýblıkasynyń sport sheberleri, ulttyq qurama músheleri, balalar men jasóspirimder arasyndaǵy QR birinshiliginiń jeńimpazdary, Eýropa jáne Azııa chempıonattarynyń júldegerleri, respýblıkalyq jáne halyqaralyq olımpıadalardyń jeńimpazdary Qaraǵandy oblysynyń «Spassk» oqý-jattyǵý ortalyǵynyń bazasynda 9 maýsymda bastalatyn «Aıbyn» jastardyń tuńǵysh respýblıkalyq áskerı-patrıottyq jıynyna qatysady.

Bul týraly QR Qorǵanys mınıstrliginiń baspasóz qyzmetinen habarlady.

Qarýly Kúshterdiń qataryna áskerı qyzmetke jastardy daıyndaý, olardyń jaýyngerlik qyzmet ótkerý kezinde qajet daǵdylary men sheberlikterin qalyptastyrý, dene turǵysynda jetildirý - aldaǵy jıynnyń negizgi mindetteri bolyp sanalady. Oǵan Qazaqstan jastarynyń eń myqty, aqyldy jáne belsendi ókilderi qatysatyn bolady.

«Búgingi ótkizilip otyrǵan «Aıbyn» 1-shi respýblıkalyq áskerı-patrıottyq jastar jıynynyń uıymdastyrýshylaryna, ıaǵnı Qazaqstan Respýblıkasynyń Qorǵanys mınıstrligine ózimniń atymnan jáne general Saǵadat Qojahmetuly Nurmaǵambetov atyndaǵy «Jas ulan» respýblıkalyq mektebiniń jeke quramy atynan úlken alǵysymdy bildirgim keledi», - dedi general S.Q. Nurmaǵambetov atyndaǵy «Jas ulan» respýblıkalyq mektebiniń 10-synyp oqýshysy Totanov Nurjan.

«Osyndaı jarystar jastarymyzdyń boıynda áskerı-tehnıkalyq bilim, biliktilik pen daǵdyny qalyptastyrý, batyldyqqa, uıymdastyrýshylyqqa tárbıeleý, tártip pen joldastyq sezimin qalyptastyrady dep oılaımyn. Men osy atalǵan jarysqa qatysqanyma óte qýanyshtymyn jáne maqtanamyn, men úshin bul abyroı dep sanaımyn, sonymen birge osy jarystan úlken áser aldym. Sondyqtan da biz «Nurmaǵambetovshylar» búgingi saıysty tek oıyn retinde qabyldamaı, bizge deıingi jáne qazirgi kezdegi eń myqty azamattarymyzdyń ar-namys kodeksi ekenin esten shyǵarmaı bar kúsh-jigerimizdi salamyz» - dedi Nurjan Totanov.