QR SІM: Izraıl, Iran jáne Lıvandaǵy referendým ýchaskeleri jumysyn toqtatty
ASTANA. KAZINFORM – Syrtqy ister mınıstrligi Ortalyq referendým komıssııasymen birlesip, Izraıl, Iran jáne Lıvandaǵy referendým ýchaskelerin qyzmetin ýaqytsha toqtatý týraly sheshim qabyldady.
«Kúrdeli áskerı saıası jaǵdaıǵa baılanysty, sondaı-aq Qazaqstan azamattarynyń qaýipsizdigin qamtamasyz etý úshin Syrtqy ister mınıstrligi Ortalyq referendým komıssııasymen birlesip, Izraıl, Iran jáne Lıvandaǵy referendým ýchaskelerin qyzmetin ýaqytsha toqtatý týraly sheshim qabyldady», - dedi SІM-niń resmı ókili Aıbek Smadııarov vedomstvoda ótken baspasóz máslıhatynda.
Buǵan deıin habarlaǵanymyzdaı Taıaý Shyǵystaǵy shıeleniske qatysty QR Syrtqy ister mınıstrligi úndeý jasady.
Sondaı-aq, elimizdiń Izraıl, Iran jáne Lıvandaǵy dıplomattary kúsheıtilgen jumys rejımine kóshkenin habarladyq.
Aıta keteıik, Syrtqy ister mınıstrliginiń málimetinshe, Taıaý Shyǵystaǵy qaqtyǵystan zardap shekken Qazaqstan azamattary joq.
