QR SІM Aıgúl Saılybaevanyń kúıeýi men enesine qatysty is týraly túsinik berdi
ASTANA. – Qazaqstan Syrtqy ister mınıstrligi Natalıa men Aleksandr Dontsovtyń Reseıde tutqyndalǵany týraly BAQ-ta taraǵan aqparatqa baılanysty Reseıge resmı suraý joldaǵanyn málimdedi.
– Quqyqtyq kómek kórsetý barysynda eki eldiń quzyrly organdary bir-birimen tikeleı jumys isteıdi. Qazaqstanǵa adamdardy ekstradıtsııalaý máseleleri tek Bas prokýratýranyń quzyretinde. Elshilikter halyqaralyq quqyq aıasynda ǵana qyzmet atqarady, olar ishki ister nemese sot isin júrgizýge quzyretsiz, – dedi mınıstrlik ókili habarlamada.
Mınıstrlik dıplomatııalyq arnalardyń tek halyqaralyq quqyq sheńberinde jumys isteıtinin jáne advokat qyzmetin de atqara almaıtynyn eskertti.
Eske sala keteıik, buǵan deıin Іshki ister mınıstriniń orynbasary Sanjar Ádilov Germanııada kóz jumǵan eks-sýdıa Aıgúl Saılybaevanyń isine qatysty túsinik berdi.
