QR SІM Afrıkadaǵy ebola indetine baılanysty úndeý jasady
ASTANA. KAZINFORM – Afrıkanyń birneshe elinde ebola vırýsynyń órshýine baılanysty QR Syrtqy ister mınıstrligi halyqaralyq sapardy josparlap otyrǵan Qazaqstan azamattaryna úndeý jasady jáne sanıtarlyq-epıdemıologııalyq jaǵdaıdy eskerýdi usynady.
– Qazaqstan azamattaryna ózderi baratyn eldegi epıdemıologııalyq jaǵdaımen aldyn ala tanysyp, aldyn alý sharalaryn saqtaý jáne qajet bolǵan jaǵdaıda jedel medıtsınalyq kómekke júginý usynylady. Azamattardy sapar kezinde densaýlyq pen qaýipsizdikke jaýapkershilikpen qaraýǵa shaqyramyz, – dedi QR SІM resmı ókili Erlan Jetibaev elordada ótken brıfıngte.
Aıta keteıik, Dúnıejúzilik densaýlyq saqtaý uıymy Kongo Demokratııalyq Respýblıkasynda jáne Ýgandada tirkelgen Ebola qyzbasynyń órshýine baılanysty halyqaralyq mańyzy bar tótenshe jaǵdaı jarııalady.
