QR Syrtqy ister mınıstrliginde qazaq-ózbek konsýltatsııalary ótti
ASTANA. KAZINFORM – Qazaqstan Respýblıkasy Syrtqy ister mınıstrliginde Qazaqstan Respýblıkasy Syrtqy ister mınıstriniń orynbasary Ermuhambet Qonyspaev pen Ózbekstan Respýblıkasy Syrtqy ister mınıstriniń orynbasary Bobýr Ýsmanovtyń qatysýymen Qazaqstan-Ózbekstan saıası konsýltatsııalary ótti.
QR Syrtqy ister mınıstrligi baspasóz qyzmetiniń habarlaýynsha, kezdesý barysynda saıası, saýda-ekonomıkalyq, sý-energetıkalyq jáne mádenı-gýmanıtarlyq salalardaǵy qazaq-ózbek yntymaqtastyǵynyń ózekti máseleleriniń keń aýqymdy máseleleri talqylandy.
Taraptar ekijaqty qarym-qatynastardyń údemeli damýyn, turaqty senimdi saıası dıalogyn, sondaı-aq ónerkásiptik kooperatsııa salasyndaǵy yntymaqtastyqtyń jandanýyn qanaǵattanýshylyqpen atap ótti.
Aldaǵy bıik jáne joǵary deńgeıdegi kezdesýlerdiń kestesi jan-jaqty qarastyryldy. Atalǵan turǵyda Ózbekstan Respýblıkasynyń Prezıdenti Shavkat Mırzıeevtiń Qazaqstan Respýblıkasyna memlekettik saparyn joǵary deńgeıde ótkizý máselelerine erekshe nazar aýdaryldy.
