QR SІM Jaýapty hatshysy: Balalarym shetelde qazaq ekenin umyta bastady
ASTANA. QazAqparat - Qazaqstan dıplomattary shetelde bes jyldan artyq jumys istemeıdi. Bul týraly Senattyń Halyqaralyq qatynastar, qorǵanys jáne qaýipsizdik komıtetiniń keńeıtilgen otyrysynda málim boldy, dep habarlaıdy QazAqparat.
«Elshilerdiń shetelde bolý merzimin 5 jyldan arttyrmaý máselesi ózekti bolyp otyr, sebebi qazirgi kezde 20 jyldan astam ýaqyt boıy elge oralmaǵan elshiler, dıplomattar bar. Olar elden qarym-qatynasyn úzgen dep aıtýǵa bolmaıdy, degenmen de sony nasharlatqan, eldegi jaǵdaıdy tereń túsinbeıdi. Olardy bes jyl kóleminde elge qaıtaryp, ártúrli deńgeıde jumys berip, sodan keıin qaıtadan dıplomatııalyq saladaǵy qyzmetke baǵyttaý týraly usynystar bolyp jatyr. Sondyqtan bul zań jobasy jalpy dıplomatııalyq jumystyń dárejesin, onyń tıimdiligin arttyrýǵa úlken áserin beredi degen oıdamyz»,-dedi Ikram Adyrbekov «Qazaqstan Respýblıkasynyń dıplomatııalyq qyzmeti týraly» Qazaqstan Respýblıkasynyń Zańyna ózgerister men tolyqtyrýlar engizý týraly» zań jobasyn talqylaý barysynda.
Óz kezeginde QR Syrtqy ister mınıstrliginiń jaýapty hatshy Anarbek Qarashev dıplomattar elge tıisti merzimde elge qaıtyp oralǵany durys ekenin atap ótti.
«Balalar qazaq ekenin bilmeı ketedi. Men 12 jyl bolǵan joqpyn. Balalarymda týǵan eli týraly durys tanymy bolmady. Elge kelip, úsh jyldan keıin balalar qazaq ekenderin sezip otyr, ıaǵnı osynda mektepke baryp, qazaqsha sóılep, qaı memlekettiń balasy ekenin túsine bastady. Sondyqtan dıplomattar úzdiksiz shetelde qyzmet ete berse, olardyń balalary Qazaqstan jaıynda tek BAQ arqyly ǵana bilip júredi»,-dep atap ótti A. Qarashev.
