QR SІM Ystanbulda esinen adasqan Qazaqstan azamatyna qatysty mán-jaıdy anyqtap jatyr
«Men ony 11 maýsym kúni saǵat tańǵy 9-da Túrkııanyń áýejaıynda (Ystanbul qalasy) keziktirdim. Ol ózin birtúrli sezindi, túsingenimdeı, bir jaǵdaıǵa dýshar bolyp, esin joǵaltqan. Oǵan kómektesýge tyrysyp, ushaqqa otyratyn bıletin suraǵanymyzda ushaǵy saǵat 01:00-de attanyp ketkenin kórdik, ıaǵnı júgi ushyp ketken, al ózi Ystanbulda qalyp qoıǵan. Ystanbuldan Bishkekke jol júrmekshi bolǵan. Negizinde ol - Qazaqstannyń azamatshasy», - dep jazdy Serhiy Bryashchey esimdi azamat.
Onyń aıtýynsha, otbasymen áýejaıdaǵy qaýipsizdik qyzmetine baryp, kelinshekke kómektesýge ótingen soń, ony jedel járdem qyzmetkerleri aýrýhanaǵa alyp ketken. Serhiy Bryashchey áleýmettik jeli qoldanýshylarynan beıtanys áıeldiń týystary nemese tanystary shyǵyp qalar degen úmitpen jazbasymen bólisýdi surady.
QR Syrtqy ister mınıstrliginiń baspasóz qyzmetiniń málimetinshe, Qazaqstannyń bas konsýly oqıǵanyń mán-jaıyn anyqtaý úshin áýejaıǵa attandy. Konsýldyq ókilderi áıel adamnyń aty-jónin anyqtaǵannan keıin oqıǵanyń egjeı-tegjeıin baıandap berýge ýáde etti.