QR SІM Iemendegi Qazaqstan azamattary boıynsha túsinikteme berdi
ASTANA. QazAqparat - QR Syrtqy ister mınıstrligi Iemendegi Qazaqstan azamattary boıynsha túsinikteme berdi, dep habarlaıdy vedomstvonyń baspasóz qyzmeti.
4 sáýir kúni Iemen ýaqyty boıynsha saǵat 14 shamasynda QR-dyń Omandaǵy Elshiliginiń qoldaýymen Reseı TJM ushaǵymen Qazaqstannyń bes azamaty: Ospanov Dastan, jubaıymen jáne balasymen, sondaı-aq Aqjanova Ilmıra sábıimen Iemen jerinen shyǵarylǵan bolatyn.
Iemende turaqty ómir súretin taǵy bir qazaqstandyq azamat Sahanova Gúlmıranyń Sanada qalǵany týraly habar Qazaqstannyń Masqattaǵy Elshiligine 4 sáýir kúni keshki ýaqytta kelip tústi.
Azamatshanyń týysqandarynan alynǵan baılanys telefon nómirleri arqyly QR Omandaǵy elshiligi G. Sahanovamen habarlasyp, onyń elden evakýatsııasy reseı tarapymen erteńge kelisildi.
Qazirgi ýaqytta azamatshamyzǵa qaýip tónip turǵan joq. Qazaqstannyń Omandaǵy Elshiligi men QR Syrtqy ister mınıstrligi atalǵan máseleni qatań qadaǵalaýda.
