QR SІM ıadrolyq qarý-jaraqty shekteý týraly sharttyń uzartylýyna oraı málimdeme jasady

NUR-SULTAN. QazAqparat - Qazaqstan Respýblıkasynyń Syrtqy ister mınıstrligi ıadrolyq qarýsyzdaný salasyndaǵy sońǵy halyqaralyq qujat sanalatyn 2010 jylǵy 8 sáýirdegi Strategııalyq shabýyl qarý-jaraqtaryn qysqartý men shekteý sharalary týraly shartty (SShQ-ІІІ) uzartý týraly Reseı Federatsııasy men Amerıka Qurama Shtattarynyń sheshimin quptaıdy, dep habarlaıdy QR SІM baspasóz qyzmeti.

Bul Reseı tarapynyń Shartty uzartý boıynsha dáıekti kúsh-jigeriniń nátıjesinde múmkin boldy jáne ol halyqaralyq qaýipsizdikke yqpal etetin barlyq faktorlardy eskere otyryp, zymyran-ıadrolyq qarý-jaraqty odan ári baqylaý boıynsha keshendi jumystardy júzege asyrýǵa ýaqyt beredi.

AQSh-tyń jańa Ákimshiliginiń SShQ-ІІІ shartyn kelesi bes jylǵa uzartý týraly túbegeıli kelisimi ekijaqty qarym-qatynastardy ońaltýǵa jáne ózara senimdi qalpyna keltirýge úmit beretin oń belgi.

Shartty uzartý memleketterdiń jaýapty minez-qulyqtyń, ıadrolyq qarýsyzdaný úderisine beıildiliginiń jáne qarý-jaraqtyń qaýipti jarysynyń aldyn alýdyń úlgisin kórsetedi.

Shart eki memlekettiń strategııalyq qarym-qatynasynyń ashyqtyǵy men boljamdylyǵyn saqtaýǵa, sondaı-aq, ıAdrolyq qarýdy taratpaý týraly sharttyń (ıAQTSh) VI babyna sáıkes ıadrolyq qarýsyzdanýdyń dáıekti úderisiniń sabaqtastyǵyn qamtamasyz etýge baǵyttalǵan. Keleshekte ol QR Tuńǵysh Prezıdenti – Elbasy N.Á.Nazarbaevtyń ıadrolyq derjavalar kóshbasshylarynyń kezdesýin ótkizý týraly bastamasy sheńberinde kópjaqty dıalogqa negiz bolýy tıis.

Qazaqstan KSRO-nyń quqyqty mırasqorlarynyń biri retinde 1991 jylǵy Strategııalyq shabýyl qarý-jaraqtaryn qysqartý men shekteý týraly shartynyń (SShQ-І) tarapy bolyp, 1992 jylǵy 23 mamyrda Lıssabon hattamasyna qol qoıdy. Qazaqstan Lıssabon hattamasynyń erejelerin oryndaý sheńberinde ıadrolyq qarýy joq memleket retinde ıAQTSh-ǵa qosyldy.

Bizdiń elimizdiń qýaty jaǵynan álemdegi tórtinshi ıadrolyq qarý arsenalynan óz erkimen bas tartý týraly tarıhı sheshimi jappaı qyryp-joıý qarýynyń qaýip-qaterinen azat álemge qol jetkizý jolyndaǵy buljymas baǵytymyzdyń berik negizine aınaldy.

BUU Bas Assambleıasynyń 75-sessııasynda sóılegen sózinde QR Prezıdenti Q.K.Toqaev ıadrolyq derjavalardy adamzatty ıadrolyq apattan qutqarýǵa baǵyttalǵan qajetti ári kezek kúttirmes barlyq sharalardy qolǵa alýǵa úndedi.

ıAdrolyq qarýǵa tyıym salý týraly shartynyń kúshine enýi jáne SShQ-ІІІ shartynyń uzartylýy ıAQTSh Sholý konferentsııasy qarsańynda Birikken Ulttar Uıymynyń 100-jyldyǵyna, ıaǵnı 2045 jylǵa deıin ıadrolyq qarýdan azat álemge qol jetkizý jolynda syndarly dıalog quryp, ózara senimdi qalpyna keltirýge septigin tıgizedi dep senemiz.