QR SІM «Uly Dala eli» mýltımedııalyq qosymshasyn ázirledi
ASTANA. QazAqparat - QR Syrtqy ister mınıstrligi qazaq, orys jáne aǵylshyn tilderinde «Qazaqstan - Uly Dala eli» mýltımedııalyq qosymshasyn ázirledi. Bul týraly búgin QR Prezıdenti janyndaǵy OKQ-de ótken brıfıngte QR Syrtqy ister mınıstri Erlan Ydyrysov málim etti.
«Bul - Qazaqstandy barlyq qyrynan kórsetetin zamanaýı kaleıdoskop. Óte kóp sýretter, rolıkter, beınesıýjetter, naqty aqparattar, bizdiń tarıhymyz, mádenıetmiz týraly málimetter paıdalanyldy», - dedi mınıstr.
Onyń atap ótýinshe, atalǵan tuǵyrnamany telefon, planshet jáne kompıýter arqyly qazaqstandyqtarmen qatar sheteldik azamattar da paıdalana alady.
«Sheteldegi azamattarymyz, ol jaqta bilim alyp jatqan stýdentterimiz bul tuǵyrnamany álem bizdiń ishki jáne syrtqy saıasatymyzdy barynsha jaqsy bile túsýi úshin belsendi paıdalanady dep esepteımiz», - dedi E.Ydyrysov.
