10:14, 28 Qazan 2014 | GMT +6
QR SІM Ýkraınada ótken parlamenttik saılaýǵa qatysty málimdeme jasady
ASTANA. QazAqparat - QR SІM Ýkraınada ótken parlamenttik saılaýǵa qatysty málimdeme jasady. Onda Qazaqstan Respýblıkasy 26 qazan kúni Ýkraına Joǵarǵy Radasyna ótken saılaýdy qoldaıtyndyǵy jazylǵan. Bul týraly QR SІM resmı saıty habarlaıdy.
«Jańa parlamentti qurý - jalpyulttyq tatýlyqqa, qoǵamdaǵy turaqtylyqqa, Ýkraına halqynyń múddesine saı keletin tıisti reformalardy ótkizýge jol beretin mańyzdy qadam.
Bizdiń elderimizdi tarıhı qalyptasqan ózara senimdilik pen túsinistik negizinde qalanǵan dostyq jáne áriptestik qarym-qatynastar baılanystyrady. Biz ýkraındyq azamattardyń tańdaýyna qurmetpen qaraımyz jáne Ýkraına men álemdik qaýymdastyqtyń saıası turaqtylyqty, qoǵamdy biriktirýdegi jáne eldiń dáıekti túrde damýyn qamtamasyz etýdegi kúsh-jigerine qoldaý kórsetetin bolamyz», delingen málimdemede.
