QR SІM Túrkııadaǵy jarylysta japa shekken qazaqstandyqtardyń bar-joǵyn anyqtaýda
ASTANA. QazAqparat - QR Syrtqy ister mınıstrligi Túrkııanyń Van qalasyndaǵy jarylysta japa shekken qazaqstandyqtardyń bar-joǵyn anyqtaýda. Bul týraly «QazAqparat» agenttigine mınıstrliktiń baspasóz qyzmeti habarlady.
Buryn habarlanǵanyndaı, Túrkııanyń shyǵysynda ornalasqan Van qalasynda polıtseıler ýchaskesindegi jarylys kezinde úsh adam qaza taýyp, 120-dan astam adam jaralandy.
Aldyn ala derekter boıynsha, jarylǵysh zat avtoturaqtaǵy kólikterdiń birine qoıylǵan.
Budan buryn quqyq qorǵaýshylar kúdiktini ustaǵany habarlanǵan. Jarylystan keıin kinálilerdi jerden ǵana emes, áýeden izdeý operatsııasy bastaldy.
