18:22, 16 Shilde 2016 | GMT +5
QR SІM Túrkııadaǵy áskerı tóńkeris áreketine oraı málimdeme jasady
ASTANA. QazAqparat - Túrkııadaǵy áskerı tóńkeris áreketine oraı Qazaqstan Respýblıkasy Syrtqy ister mınıstrligi málimdeme jasady.
«Qazaqstan Respýblıkasy 2016 jylǵy 15-nen 16-shy shildege qaraǵan túni uıymdastyrylǵan baýyrlas Túrik Respýblıkasyndaǵy áskerı tóńkerilis áreketi týraly aqparatty úlken alańdaýshylyqpen qabyldady.
Qazaqstan demokratııalyq jolmen saılanǵan qazirgi Túrik Respýblıkasynyń Úkimetin naqty qoldaıdy. Áskerı zańsyz ádistermen bılik basyna kelý áreketi óreskel bolyp tabylady jáne Túrkııaǵa turaqty damýy men gúldenýine kedergi bolady.
Osy oqıǵa saldarynan qurbandardyń bolýyna oraı túrik halqyna shynaıy kóńil aıtamyz.
Qazaqstan Respýblıkasy baýyrlas Túrkııanyń demokratııalyq baǵytyn qoldaıdy jáne qalyptasqan ahýaldyń odan ári qantógissiz tez arada sheshilýine úmittenemiz», - dep jazylǵan málimdemede.