QR SІM Tótenshe jaǵdaı týraly: Shet elderde júrgen otandastarymyz Qazaqstanǵa kire alady

NUR-SULTAN. QazAqparat – QR SІM resmı ókili Aıbek Smadııarov QR aýmaǵyna kirýge shekteý qoıýǵa qatysty túsinikteme berdi, dep habarlaıdy QazAqparat tilshisi.

«Shekteý - bul tyıym salý emes. Shet elderde júrgen bizdiń otandastarymyz Qazaqstanǵa kire alady. Bul shekteýler negizinen shet memleketterdiń azamattaryna qatysty qoldanylady», - dep habarlaıdy QR Syrtqy ister mınıstrliginen.

Aıta ketsek búgin Qazaqstan Respýblıkasynda tótenshe jaǵdaı engizildi. Bul týraly Jarlyqqa QR Prezıdenti qol qoıdy.

Jarlyqqa sáıkes oıyn-saýyq ortalyqtarynyń, kınoteatrlar men teatrlardyń jumysy toqtatylyp, Qazaqstan Respýblıkasyna keletin halyqaralyq uıymdar delegatsııalarynyń múshelerin qospaǵanda el aýmaǵyna kóliktiń barlyq túrlerimen kirýge, sondaı-aq onyń aýmaǵynan shyǵýǵa shekteýler belgilendi.