QR SІM Taılandtyń demalys oryndarynda júrgen Qazaqstan azamattaryn Bangkokke barýdan ýaqytsha bas tartýdy suraıdy
«Ózderińizge belgili bolǵandaı, 25 qarasha kúni keshke Taıland Úkimeti Bangkoktyń búkil aýmaǵyna, oǵan qarasty eki ólkede jáne halyqaralyq áýejaıda erekshe qaýipsizdik rejimin taratqan bolatyn. Qazirgi ýaqytta Bangkoktyń negizgi týrısttik ortalyqtarynda jaǵdaı aıtarlyqtaı tynysh. Alaıda bul jaǵdaıdyń odan ári qalaı damıtyny týraly boljam jasaý qıyn. Osyǵan oraı, úzdiksiz jalǵasyp kele jatqan turaqsyz jaǵdaıdy eskere otyryp, Qazaqstan Respýblıkasynyń azamattaryn Bangkok qalasyna barýdan ýaqytsha bas tartýǵa shaqyramyz», - dedi ol.
Sonymen qatar resmı ókil qazirgi ýaqytta Taılandtyń demalys oryndarynda júrgen Qazaqstan azamattaryna da Bangkok qalasyna barýdan ýaqytsha bas tarta turýdy jáne Qazaqstanǵa oralý týraly aldyn-ala josparlaýdy ótinetindikterin jetkizdi.
