QR SІM Taıland Úkimetiniń qazaqstandyq ushqyshtardy bosatý jónindegi usynystaryna rıza jáne istiń oń sheshiletinine úmit artady
ASTANA. Aqpannyń 8-i. QazAqparat /Ernur Aqanbaı/ - QR Syrtqy ister mınıstrligi Taıland Úkimetiniń qazaqstandyq ushqyshtardy bosatý jónindegi usynystaryna rızashylyǵyn bildiredi jáne atalmysh istiń oń sheshiletinine úmit artady.
Bul týraly búgin Astanadaǵy aptalyq brıfıngte QR Syrtqy ister mınıstrliginiń resmı ókili Asqar Ábdirahmanov málimdedi, dep habarlaıdy QazAqparat.
«Bizdiń ushqyshtarymyz aqpanyń 11-ne deıin qamaýda otyr. Taıland prokýratýrasy osy kúni isti jabý týraly, ne bolmasa qamaý merzimin uzartý jóninde sheshim qabyldaı alady. Sebebi, zańnama buǵan ruqsat beredi. Biz ushqyshtarymyzdy bosatý jónindegi usynystary úshin Taıland Úkimetine rızashylyǵymyzdy bildiremiz. Alaıda, sheshim tolyǵymen osy eldiń prokýratýrasynyń quzyrynda», dedi brıfıngte A. Ábdirahmanov.
«Biz taıladtyq prokýratýra men osy eldiń ádil sotynyń obektıvtiligine kúmándanbaımyz jáne istiń bizdiń ushqyshtar úshin oń sheshiletindiginen úmittenemiz», dep tolyqtyrdy sózin ol.
