QR SІM: Taılandtaǵy qazaqstandyq týrısterge saq bolǵan jón
ASTANA. 16 qańtar. QazAqparat - QR Syrtqy ister mınıstrligi Taıland astanasyndaǵy narazylyq aktsııalaryna baılanysty qazaqstandyq týrısterge saqtyq sharalaryn saqtaýdy eskertip otyr.
Taılandta «Bangkokty jabamyz» atty jappaı narazylyq aktsııasy jalǵasýda. Manıfestanttar birneshe basty kóshelerdegi qıylystardy jaýap tastady. Memleket bıligi oppozıtsııa narazylyǵy men astanadaǵy jol-kólik qozǵalysyn jabý aktsııasy bir aptalyq merzimge sozylady dep daıyndalyp otyr.
«Qazirgi tańda Bangkok qalasy qaýpi joǵary aımaqqa aınalyp otyrǵanyn eskere otyryp, Taıland astanasynda júrgen bizdiń azamattarymyzǵa saqtyq sharalaryn qabyldaýdy, kóp adamdar shoǵyrlanǵan jerlerge barmaýyn, sondaı-aq narazylyq aktsııasyna qatysty keleńsiz jaǵdaıǵa ushyraǵan jaǵdaıda QR Elshiligine myna «shuǵyl jeli» arqyly habarlasýlaryńyzdy suraımyz: +66-85-222-3756, +66-2254-3043», - delingen QR SІM baspasóz qyzmetiniń málimetinde.
Sonymen qatar mınıstrlik qazaqstandyq týrısttik agenttikter men áýe kompanııalarynan osy aqparatty Bangkokqa bara jatqan nemese sol qalada júrgen ózderiniń klıentteri arasynda keńinen taratýyn eskertip otyr.
