QR SІM Sochıdegi ushaq apaty jaıly: Zardap shekkender arasynda qazaqstandyqtar joq
ASTANA. QazAqparat - Reseıdiń Sochı qalasyndaǵy áýejaıdyń ushý-qoný jolaǵynan ushyp ketip, ózen jaǵasyna syrǵyp barǵan ushaqtyń ishinde Qazaqstan azamattary bolmaǵan. Bul týraly QazAqparat tilshisine QR SІM baspasóz qyzmetinen habarlady.
Aıta ketsek, buǵan deıin reseılik «RIA Novostı» agenttigi Máskeý-Sochı baǵytyndaǵy ushaq qonǵannan keıin ushý-qoný jolaǵynan shyǵyp ketip, ózen jaǵasyna syrǵyp ketkeni týraly habarlaǵan bolatyn. Osynyń saldarynan shassıdiń tirekteri men ushaqtyń qanaty qırap, sol jaq qozǵaltqyshtan ot shyqqan. Áýe kemesiniń bortynda 164 jolaýshy men 6 ekıpaj múshesi bolǵan. Ushaqtaǵylardyń ishinde kisi ólimi tirkelgen joq. Alaıda áýejaı qyzmetkeri qaıtys bolǵan. 18 adam zardap shekken.
Qazirgi ýaqytta atalǵan oqıǵaǵa baılanysty qylmystyq is qozǵaldy.
Búgin QR SІM atalǵan ushaqta Qazaqstan azamattary joq ekenin habarlady.
«Reseı Federatsııasynyń Tótenshe jaǵdaılar mınıstrliginiń aqparatyna sáıkes, Utair áýe kompanııasy ushaǵynyń Sochı qalasyndaǵy áýejaıǵa qonýy kezinde bolǵan apatty oqıǵadan zardap shekkenderdiń arasynda QR azamattary joq», - delingen SІM baspasóz qyzmetiniń habarlamasynda.
Foto: © RIA Novostı / Ekaterına Lyzlova
