QR SІM Slavıanskidegi jasaqtar arasynda qazaqstandyqtardyń bolýy múmkin degen aqparatty negizsiz dep sanaıdy
ASTANA. QazAqparat - Qazaqstan Respýblıkasy Syrtqy ister mınıstrliginiń Baspasóz hatshysy N.Aıtmahanov birqatar BAQ-ta taraǵan Ýkraınanyń Slavıansk qalasynda jasaqtar arasynda erikti qazaqstandyqtardyń bolýy múmkin degen aqparatqa qatysty túsinikteme berdi.
«Biz birqatar buqaralyq aqparat quraldary taratqan "Slavıanskidegi jasaqtar arasynda erikti qazaqstandyqtar bar-mys" degen aqparatqa nazar aýdardyq.
Taratylǵan aqparatta eriktilerdiń azamattyǵyn kýálandyratyn qujattardyń nemese adamdardyń naqty esimderiniń joq ekenin atap ótemiz. Osyǵan oraı, bul aqparatty tekserý múmkin bolmaı otyr. Bul aqparatty negizsiz dep sanaımyz.
Biraq, degenmen, biz quzyretti organdarmen birlesip, atalǵan aqparatty tekserýge tyrysyp jatyrmyz», - delingen QR SІM baspasóz qyzmeti taratqan habarlamada.
