QR SІM Sırııadan evakýatsııalanǵan qazaqstandyqtardyń esimin jarııalady
ASTANA. QazAqparat - 17-18 tamyzǵa qaraǵan túni Máskeý qalasynyń «Domodedovo» áýejaıyna RF Tótenshe jaǵdaılar mınıstrliginiń arnaıy reısimen Sırııa Arab Respýblıkasynan úsh Qazaqstan azamaty jetkizildi, dep habarlady QR SІM Baspasóz qyzmeti.
Olar: Salama Tatıana Alekseevna, 1970 jyly týǵan, onyń balalary - Salama Rıad, 1998 jyly týǵan, Salama Iskander, 2008 jyly dúnıege kelgen.
Qazaqstan azamattaryn áýejaıda QR Reseıdegi Elshiliginiń konsýldyq qyzmetkeri kútip aldy. Olarǵa qajetti konsýldyq-quqyqtyq kómek kórsetilýde.
