QR SІM: Shveıtsarııa Konfederatsııasy - Qazaqstannyń negizgi saýda seriktesteriniń biri
ASTANA. QazAqparat - 18 naýryz kúni Tsıýrıh qalasynda QR Shveıtsarııadaǵy Elshiligi Germanııa eknomıkasynyń Ortalyq Azııadaǵy ókildigi jáne Shveıtsarııa - TMD birlesken saýda palatasymen birlesip, AVV kontserniniń qoldaýymen «Búgingi Qazaqstan: Shveıtsarııamen ınvestıtsııalyq jáne saýda yntymaqtastyǵynyń jańa strategııalyq basymdyqtary men múmkindikteri» taqyrybynda dóńgelek ústel jıyny ótkizdi, dep habarlady QR SІM.
Sharaǵa seriktestikti ulǵaıtýǵa jáne jańa naryqtarǵa shyǵýǵa múddeli shveıtsarııalyq isker toptarynyń ókilderi qatysty. Sharaǵa qatysýshylarǵa jahandyq qarjy daǵdarysynyń saldaryn tıimdi ótýge baǵyttalǵan Memleket basshysynyń «Nurly Jol» atty Qazaqstan halqyna joldaýyndaǵy sheshýshi baǵyttary túsindirildi. Forýmnyń negizgi baıandaýshysy, Germanııa ekonomıkasynyń Ortalyq Azııadaǵy ókildigi basshysynyń orynbasary Ǵalııa Júnisálıeva qatysýshylardy QR Úkimetiniń eldiń ınvestıtsııalyq tartymdylyǵyn jáne bıznes klımatty arttyrýdaǵy sharalary, Qazaqstan ekonomıkasynyń basymdy sektorlary, bıznes júrgizýdiń talaptary, elimizdiń ártúrli sektorlarynda joǵary iskerlik belsendilik tanytqan elder úshin jeńildetilgen vızalyq rásimderimen tanystyrdy. Shveıtsarııa ekonomıksynyń ártúrli salalarynyń ókilderi iskerlik yntymaqtastyqqa turaqty qyzyǵýshylyq bildirdi jáne Qazaqstandy Ortalyq Azııa óńirindegi negizgi tutyný naryǵy retinde qarastyryp, ekonomıkany lıberalızatsııalaý jáne shetel kompanııalary úshin ınvetıtsııalyq tartymdylyqty arttyrý salasyndaǵy memlekettiń saıasatyn joǵary baǵalaıdy. Shveıtsarııa Konfederatsııasy - Qazaqstannyń negizgi saýda seriktesteriniń biri: 2014 j. saýda aınalymy 4,7 mıllıard AQSh dollarynan asty, jáne ınvetorlar - 12 mıllıard AQSh dollaryn 2005 j. beri tikeleı jalpy ınvestıtsııalar retinde quıǵan.
