QR SІM shetelge jumysqa jiberetin kompanııalardan saq bolýǵa shaqyrdy
«Ózderińiz biletindeı, 2019 jyldyń 25 qyrkúıeginde Norvegııanyń kóshi-qon bılikterimen josparly tekserý barysynda Norvegııaǵa maýsymdyq jumys úshin kelgen Qazaqstannyń 59 azamatynyń mıgratsııalyq erejeni buzǵany anyqtaldy. Olardyń kópshiligi Norvegııaǵa týrıstik vızamen kelgen. Búgingi tańda 59 azamattyń 45-i Qazaqstanǵa oraldy. Al qalǵan 14-i búgin ushady dep josparlanýda», - dedi Aıbek Smadııarov tilshilerge arnalǵan brıfıng barysynda.
Onyń aıtýynsha, Qazaqstannyń Norvegııadaǵy elshiligi memleket atynan osy jaǵdaıǵa tap bolǵan azamattarǵa tolyq qoldaý kórsetken.
«Dıplomattar bizdiń azamattarymyzdyń janynda únemi bolyp, olardyń yqpal etýiniń arqasynda bul másele norvegııalyq bılikpen jedel sheshildi. Tekserý qorytyndysy boıynsha, norvegııalyq tarap barlyq ustalǵandarǵa avıabılet satyp alý jáne olardy Otanyna jóneltý jóninde sheshim qabyldady. Ustalǵan tulǵalar ózderiniń isterine baılanysty máseleni jedel sheshkeni úshin Qazaqstannyń Norvegııadaǵy elshiligine alǵysyn bildirdi», - dedi ol.
Resmı ókil atap ótkendeı, zańsyz eńbek kóshi-qony ózekti máselelerdiń biri.
«Bizdiń elimizde azamattardy shetelge jumysqa zańsyz jiberýmen aınalysatyn birqatar kompanııa men jeke tulǵalar jumys isteıdi. Osyǵan baılanysty maýsymdyq jumysqa ruqsat rásimdeý jónindegi norvegııalyq erejeler óte qatań ekenin taǵy da eske salamyz. Norvegııaǵa Qazaqstandaǵy basqa eýropalyq memleketterdiń elshilikteri arqyly rásimdelgen Shengen vızasymen ushyp kelýge jáne osy eldiń aýmaǵynda maýsymdyq jumysshy retinde qujattardy tapsyrýǵa jol berilmeıdi. Qazaqstan azamattary úshin tıisti ruqsattar men vızalardy Norvegııanyń Máskeýdegi elshiligi ǵana beredi. Qajetti saýalnamalardyń, nysandardyń jáne qujattardy berýdiń bekitilgen talaptary osy dıpmıssııanyń veb-saıtynda kórsetilgen. Bul rette, maýsymdyq kelisimshart Norvegııaǵa alty aıdan aspaıtyn ýaqyt jumys isteýge ǵana múmkindik beretinin, ol aıaqtalǵannan keıin elden ketýdi talap etiletinin eskertemiz», - dedi ol.
QR SІM resmı ókili qazirgi ýaqytta ınternette ózderin shetelde jumysqa ornalastyrý jónindegi agentter retinde jarnamalaıtyn deldaldardyń kóp bolýyna baılanysty barlyq azamattardy saq bolýǵa shaqyrdy.