QR SІM shetelge shyǵatyn azamattarǵa arnalǵan jadynama shyǵardy
ASTANA. 12 jeltoqsan. QazAqparat /Marlan Jıembaı/ - QR Syrtqy ister mınıstrligi shetelge shyǵatyn el azamattaryna arnalǵan jadynama shyǵardy. Bul týraly búgin aptalyq brıfıng barysynda QR SІM resmı ókili Altaı Abıbýllaev málim etti.
«Sońǵy ýaqytta Qazaqstan Respýblıkasy azamattarynyń shet memleketterde keleńsiz ári qıyn jaǵdaılarǵa ushyraý sanynyń ulǵaıýyna baılanysty QR SІM Konsýldyq qyzmet departamenti elimizdiń shetelge shyǵatyn azamattaryna arnalǵan jadynama ázirlep, shyǵardy», - dedi ol.
Onyń atap ótýinshe, jadynamada azamattardyń shet elderge saıahat kezinde qıyndyqtarǵa tap bolmaýy úshin qarapaıym keńester men nusqaýlyqtar berilgen. «Bul el azamattarynyń sheteldegi saparyn qaýipsiz ótkizýge kómektesedi degen úmittemiz. Jadynama býklet túrinde jáne QR ulttyq tólqujaty kólemindeı jasalǵan», - dedi resmı ókil.
