QR SІM sheteldik ınvestorlarmen jumys isteý úshin ekojúıeni damytýda
Bul jaǵdaıda Qazaqstan sheteldik ınvestorlarmen jumys isteý modelin jetildirýge umtylýda. Dúnıejúzilik banktiń «Bıznes júrgizý» álemdik reıtıngisinde 28-inshi oryndy ıelengen elimiz ınvestıtsııalardy tartý jáne ustaý úshin sharttardy júıeli túrde jaqsartyp keledi.
2018 jyl jaqsy nátıjeler berdi: tikeleı sheteldik ınvestıtsııalardyń jalpy aǵyny 15,8%-ǵa artyp, 24,3 mlrd. dollardy qurady. Alaıda álemdegi jańa úrdisterge jaýap retinde Qazaqstanda ınvestıtsııalardy tartý jáne qoldaý boıynsha úsh deńgeıli fýnktsıonaldy júıe qalyptasýda.
Qazirgi kezeńde memleket ınvestıtsııalyq ahýaldyń kóp jyldyq tájirıbesin qaıta qarap, ınvestorlarǵa qoldaý kórsetýge arnalǵan ishki ekojúıeni dáıekti túrde qaıta qalyptastyryp damytýda. Sheteldik ınvestıtsııalardy tartý ekonomıkanyń turaqty damýyn qamtamasyz etip, jańa jumys oryndaryn qurýǵa jáne áleýmettik máselelerdi sheshýge jańa negiz beretin bolady.
Osy jyldan bastap Qazaqstan Respýblıkasynyń Syrtqy ister mınıstrligine ınvestıtsııalardy tartý boıynsha memlekettik saıasatty iske asyrý salasyndaǵy mindetter men ókilettikter berildi. Alǵashqy kúnnen bastap SІM ózine júktelgen jumysyna birden kirisip, eldegi ınvestıtsııalyq ahýaldy jaqsartatyn birqatar bıznes-úderisterdiń bastamashysy boldy, sondaı-aq osy úderiske barlyq memlekettik organdar men ulttyq kompanııalardy belsendi túrde tarta bastady.
Qazirgi tańda shet elderdegi mekemeler 650 jańa kompanııamen kezdesýler ótkizdi. Іske asyrý úshin joǵary áleýeti bar 78 joba qaraldy. Jyldyń basynan beri qazaqstandyq dıplomattar Germanııa, Frantsııa, Qytaı, Koreıa, BAÁ, Ispanııa, Shveıtsarııa, Polsha, Fınlıandııa, Mysyr, Ózbekstan, Iordanııa jáne Zımbabvemen 13 iri ınvestıtsııalyq is-shara ótkizdi.
Qazirgi ýaqytta SІM «Kazakh Invest» UK» AQ negizinde ınvestorlardy barlyq deńgeılerde súıemeldeý boıynsha barlyq múddeli uıymdardyń ózara is-qımyl jasaý úderisin avtomattandyrýǵa múmkindik beretin aqparattyq-monıtorıngtik júıe (CRM) uıymdastyryldy. Bul júıede shet elderdiń qatysýymen jalpy kólemi 40 mlrd. AQSh dollardan astam somany quraıtyn 174 joba bar. Árbir joba boıynsha egjeı-tegjeıli jol kartalary ázirlenip bekitilgen.
SІM-de ınvestordyń búkil joly muqııat zerdelendi: ıdeıadan bastap, jobany iske asyrýǵa deıin, barlyq kezeńderden ótý stsenarıı qalyptastyryldy. Osynyń negizinde ınvestorlardy qoldaýdyń jańa arhıtektýrasy quryldy.
Jańa qurylymdy syrtqy deńgeıde shet elderdegi mekemeler usynady, ortalyq deńgeıde memlekettik organdar men «Kazakh Invest» AQ jáne basqa da ulttyq kompanııalar ózara árekettesedi. Al jergilikti atqarýshy organdar men «Kazakh Invest» AQ-nyń jergilikti ókildikteri júıeni aımaqtyq deńgeıde tuıyqtaıdy.
Qazaqstan Respýblıkasynyń Tuńǵysh Prezıdenti - Elbasynyń 2019 jyly 30 qańtarda úkimettiń keńeıtilgen otyrysynda bergen tapsyrmasyn oryndaý maqsatynda árbir salaly mınıstrlikte, ákimdikte jáne ulttyq kompanııada ınvestıtsııalyq saıasatqa jáne eksportty ilgeriletýge jeke jaýap beretin, birinshi basshylardyń jaýapty orynbasarlary belgilendi.
Bul óte mańyzdy, sebebi barlyq ınvestıtsııalyq jobalar aımaqtarda iske asyrylýda jáne ınvestorlarǵa arnalǵan qyzmetterdiń basym bóligin memleket sol jerlerde kórsetedi.
Oǵan qoldaý retinde, álemniń úzdik tájirıbelerine sáıkes elimizde Tikeleı sheteldik ınvestıtsııalardyń qory quryldy. Tuńǵysh Prezıdent - Elbasynyń sheshimi boıynsha Ulttyq qordan 370 mlrd. teńgeni quraıtyn qarjy bólindi. Bul qor 50%-ǵa deıin teń qarjylandyrylatyn jobalardy tartýdyń jáne iske asyrýdyń negizgi tetikteriniń biri bolady.
Qazaqstandaǵy ınvestıtsııalyq ahýaldy odan ári jaqsartý úshin jáne ınvestıtsııalardy tartý boıynsha jumysty odan ári jetildirý úshin QR Úkimeti ulttyq deńgeıde jumysty úılestirýdiń qosymsha tetikterin qabyldady.
QR Premer-Mınıstriniń tóraǵalyǵymen Investıtsııalardy tartý máseleleri jónindegi úılestirý keńesi quryldy. Investıtsııalardy tartý boıynsha barlyq mańyzdy sheshimder Keńestiń qaraýyna usynylatyn bolady.
«Astana» Halyqaralyq qarjy ortalyǵy ınvestıtsııalardy tartýdyń óńirlik ortalyǵy bolady. AHQO-nyń alańynda ınvestorlarmen jumys isteýdiń biryńǵaı ekojúıesi qurylady. Bul júıege «bir tereze» qaǵıdaty boıynsha jumys isteıtin barlyq damý ınstıtýttary kiredi. Barlyq damý ınstıtýttary bir jerde shoǵyrlanatyn bolady - bul ınvestıtsııalardy tartýmen aınalysatyn Investıtsııalar jónindegi komıtet, «Kazakh Invest» AQ, Tikeleı ınvestıtsııalar qory jáne basqa da uıymdar.
Qazirgi tańda AHQO-nyń qyzmetin qamtamasyz etý úshin erekshe quqyqtyq rejım bekitildi: Konstıtýtsııalyq zań qabyldandy, ınvestorlardyń qyzmeti aǵylshyn zańymen retteledi. Investorlar úshin qolaıly jaǵdaılar jasaldy: táýelsiz retteý, sottyń jáne Halyqaralyq arbıtraj ortalyǵynyń jumysy halyqaralyq standarttarǵa sáıkes keledi jáne sheteldik ınvestorlardyń quqyqtyq yńǵaılyǵyn qamtamasyz etedi.
Qazaqstandyq dıplomattar ınvestıtsııalyq kapıtaldy tartý úshin quqyqtyq jaǵdaılardy odan ári jaqsartý múmkindikterin muqııat zerdeleýde. Osylaısha ıÝNKTAD - BUU-nyń Saýda jáne damý jónindegi konferentsııasymen birlese otyryp, QR SІM ınvestıtsııalardy kótermeleý jáne ózara qorǵaý týraly barlyq úkimetaralyq kelisimderdi taldady, al onyń nátıjelerin Ulttyq ekonomıka mınıstrligine tapsyrdy.
ıÝNKTAD sarapshylarynyń usynymdary negizinde Syrtqy ister mınıstrligi múddeli memlekettik organdarmen birlese otyryp, ınvestıtsııalyq kelisimderdi odan ári jetildirý boıynsha tujyrymdamalyq kózqarastardy ázirleıtin bolady.
Jalpy alǵanda, el basshysy qoıǵan mindetterge sáıkes SІM ulttyq ekonomıkanyń tolyqqandy tabyskeri bolmaq. Alaıda, bul belsendi jumystyń bastamasy ǵana. Qazaqstannyń ekonomıkasyna kapıtal tartý boıynsha qol jetkizilgen jetistikter QR SІM-niń odan arǵy belsendi jumysyn kúsheıtetin bolady. AHQO ustanymdarynyń nyǵaıǵany jáne Investıtsııalyq saıasat jónindegi úılestirý keńesiniń qurylǵany SІM-niń ınvestıtsııalyq ahýalǵa jáne ınvestıtsııalyq jobalardy ilgeriletýge yqpal etý múmkindikterin aıtarlyqtaı kúsheıtýde.
