QR SІM Shalabaevqa bassaýǵa bergen Lıtvaǵa nota joldady
ASTANA. QazAqparat - QR Syrtqy ister mınıstrligi Lıtvanyń syrtqy saıasat vedomstvosyna «BTA bankiniń» eks basshysy Muhtar Ábilıazovtiń baldyzy Syrym Shalabaevqa bassaýǵa bergeni úshin nota joldady.
«Qazaqstan Syrtqy ister mınıstrligi Lıtvanyń Syrtqy ister mınıstrligine nota jibergendigin qýattaımyz. Sheteldik memleketterdiń syrtqy vedomstvolarymen aradaǵy nota jazbalarynyń mazmunyn ashý bizdiń erejemizge saı kelmeıdi», - dedi QR SІM baspasóz qyzmetiniń jetekshisi Anýar Jaınaqov.
S.Shalaevty Qazaqstan men Ýkraınanyń quqyq qorǵaý organdary izdeýde. Oǵan «BTA banki» AQ-nyń qarjysyn urlady jáne uıymdasqan qylmystyq toptyń quramynda iri kólemdegi qarjyny zańdastyrdy degen aıyptar taǵylýda. S.Shalabaevtyń atalǵan qylmystarǵa qatysy bar ekendigin Londonnyń joǵary soty da naqtylaǵan bolatyn.
«Bul máselege qatysty qosymsha maǵlumattardy Qazaqstannyń quqyq qorǵaý organdary bere alady», - dedi QR SІM baspasóz qyzmetinen.
