QR SІM «Rııad kelisimine» qatysty málimdeme jasady

NUR-SULTAN. QazAqparat - Qazaqstan Respýblıkasy Syrtqy ister mınıstrligi Rııad kelisimine qol qoıylýyna baılanysty málimdeme jasady, dep habarlaıdy QazAqparat mınıstrliktiń baspasóz qyzmetine silteme jasap.

«Qazaqstan Respýblıkasy Syrtqy ister mınıstrligi Iemen Úkimeti men Ońtústik Ótpeli Keńestiń arasyndaǵy «Rııad kelisimine» qol qoıylýyn quptaıdy jáne bul ýaǵdalastyqtarǵa qol jetkizýdegi Saýd Arabııasy Koroldiginiń mańyzdy rólin joǵary baǵalaıdy.

Qazaqstan bul qujat óńirdegi ahýaldy turaqtandyrýda jáne Iemendegi daǵdarysty beıbit saıası jolmen sheshýde mańyzdy qadam bolady dep úmit bildiredi», delingen habarlamada.

Eske sala ketsek, Iemen Úkimeti men Ońtústik Ótpeli Keńes eldegi azamattyq soǵysty toqtatý úshin Saýd Arabııasynyń astanasynda bılikti bólisý jóninde kelisim jasasty.